ARAUAK ETA BALDINTZA OROKORRAK
BBK Bilbao Music Legends Festivalerako sarrerak edo gonbidapenak lortzeko honako baldintzok bete behar dira:
- Behin erosita, sarrerak ez dira aldatuko eta haren zenbatekoa ez da itzuliko, antolatzaileek Jaialdia bertan behera utzi ezean; kasu horretan, Antolakundeak bere gain hartuko du sarreren dirua itzultzea, gehienez ere15 egun naturaleko epean, jaialdia bertan behera utziko dela jendaurrean jakinarazten den datatik aurrera eta Antolakundeak adierazten duen eran. Antolakundeak ez du itzuliko salmenta-kanalek sarreraren prezioari ezartzen dioten banaketaren kostua, zerbitzu horren emaileak ez baitira antolatzaileak, salmenta-kanalak baizik. Ez da sarreren dirua itzuliko jaialdi osoa edo haren zati bat bertan behera uzten bada eguraldi txarragatik, hondamendi naturalengatik, Espainiako aireko espazioa ixteagatik edo bestelako ezinbesteko kasuengatik, ezta antzeko arrazoiengatik ere. Jaialdia bertan behera utziz gero, Antolakundeak ez ditu bere gain hartuko joandakoek bidaietarako eta ostatua hartzeko egindako gastuak, ezta haiek kontratatu duten eta ikuskizunarekin zerikusia duten bestelako edozein gastu ere. Sarrerak saltzen dituen enpresak eta ikuskizunaren sustatzaileak ez dituzte inola ere gastu horiek euren gain hartuko.
- Antolakuntzak jaialdiaren programa aldatzeko eskubidea izango du. Ekitaldien ordutegiak aldaketak izan ditzakete.
- Ustekabeko baldintza klimatologikoak, programaren aldaketak eta ordutegi-aldaketak ez dira sarreren zenbatekoa itzultzeko arrazoiak izango.
- Bi eguneko bonuak eta eguneko sarrerak eskumuturren truke aldatuko dira jaialdiaren sarreran.
- Eskumuturrekoak ez dira baliagarriak izango aldatuta edo hautsita baldin badaude.
- Jaialdiaren eskumuturrekoa une oro eraman beharko da jarrita.
- Pistako sarrerak ez dira harmailarako erabilgarriak izango.
- Harmaileko sarrerak ez dira pistarako erabilgarriak izango.
- Sarrerek segurtasun neurri ezberdinak dituzte. Ez ezazu zure sarrera saltoki ez ofizial batean erosi, baliteke faltsua izatea eta ezin izango zenuke jaialdira sartu ahal. Kasu horretan, Antolakuntzak uko egiten dio erantzukizun orori.
- Esparruan sartzean, bertaratutakoek legearen araberako erregistro bat igaro dezakete. Ikusle guztiek, segurtasun arrazoiak direla medio, beren gauzak erakutsi beharko dituzte.
- Ez da sarrera baimenduko objektu zorrotzekin, kristalezkoekin, metalezkoekin, jaurtigarri, errekor edota mingarriekin. Ezin izango dira sartu, halaber, aterkiak, selfie-makilak, tripodeak, botilak, latak edota Antolakuntzak arriskutsutzat jo ditzakeen objektu guztiak.
- Sartzean, Legearen araberako erregistro bat igaro dezake publikoak. Ikusle guztiek, segurtasun arrazoiak direla medio, beren gauzak erakutsi beharko dituzte.
- Antolakuntzak Onarpen-eskubidea beretzat gordetzen du.
- Guztiz debekatuta dago kontzertuak filmatzea edo grabatzea, Antolakuntzaren baimen zehatzik gabe. Irudi eta jabego intelektualaren eskubide guztiak erreserbatuta dira.
- Kontzertu edo jaialdira sartzeak berez dakar haren irudia (eta berarekin daudenena) bideoz jaso eta grabatu ahal izatea, publizitate- edo sustapen-kanpainak egin eta ekitaldiari zabalkundea emateko, antolatzaileek dituzten bitartekoak erabilita (webgunea, kartelak, sare sozialak etab.), edo hirugarrengoen komunikabideen bitartez (prentsa, irratia, telebista etab.), betiere aintzat hartuz maiatzaren 5eko 1/1982 Lege Organikoa, ohorerako, norberaren eta familiaren intimitaterako, eta norberaren irudirako eskubidearen babes zibilari buruzkoa.
- Akreditazio profesionalik ez duten guztientzat guztiz debekatuta dago argazki edo bideo kamerekin eta/edo grabatze-aparatuekin sartzea.
14 urtetik beherako adin-txikikoek doan izango dute sarrera. Nagusi batek lagundu beharko ditu. Jaialdira joan ahal izateko adinari dagokionez, honako arauak ezarri dira:
18 urtetik beherakoak:
- 14 urtetik beherakoak doan sartu ahal izango dira BBK BILBAO MUSIC LEGENDS FESTara, baldin eta heldu batek erosketa-prozesuan “14 urtetik beherakoentzat” deitutako sarrera erosi badu eta dagokion baimena betetzen badu. Ikusi baldintzak jaialdiaren webgunean.
- 16 urtetik (barne) beherako guztiek pertsona heldu batekin batera egon beharko dute betiere; pertsona hori gurasoa edo tutorea izan daiteke, eta adingabekoak esparruaren barruan duen jokabidearen erantzulea izango da, Zigor Kodeak eta Kode Zibilak ezarritakoaren arabera. Era berean, beharrezkoa izango da guraso edo legezko ordezkari batek sinatutako baimena.
- 16 urte baino gehiago izanda 18tik beherakoak direnak esparruan bakarrik sartu ahal izango dira, sarrerarekin eta behar bezala sinatutako baimenarekin.
- Mugikortasun murritza duten ikusleek beraientzat bereziki egokitutako zonalde bat izango dute laguntzaileak barne, non bermatuta izango duten kontzertuak egoki ikusi eta entzun ahal izatea.
- Baimendu egingo da botikekin eta zerikusirik duten medikuntzako artikuluekin sartzea, betiere artikuluok eraman behar dituen ikusleak segurtasunaren aurrean identifikazio pertsonal egokia, errezetak edo botiken edukiontzien izenak, eta artikulu horren beharrizana zehazten duen medikuaren preskripzioa aurkeztuz gero.
- Sarrerak ezin dira erabili sustapen- ezta publizitate- helburuetarako.
- Ezin izango da sartu jaialdira kanpoko janari edo edariekin.
- Jaialdiko esparruaren barruan eskaintza gastronomiko handia izango da eta janari zein edari mota ezberdinak aukeratu ahal izango dira, janari begetarianoa barne.
